CAMP SIMEON OLA, Legazpi City, Philippines — Tatlo katao na namimigay ng mga sample ballot na may lamang pera ang nadakip ng mga sundalo ng 83rd IB ng Philippine Army sa Barangay Quezon Viga, Catanduanes kamakalawa ng hapon.
Nakilala ang mga suspek na sina Gretchen Liton 24, Leslie Liton 23 at Edgar Tanael 40, driver, pawang mga residente ng Virac at mga tauhan ni Vice Gobernatorial Candidate Bong Teves.
Ang tatlong nasakote ay may 729 sobre na may laman na sample ballot ni Teves na may lamang tig-P150 at ipinamimigay sa mga residente sa naturang lugar.