CAVITE , Philippines – Maagang nagwakas ang kinabukasan ng isang 9-anyos na batang lalaki matapos magbigti dahil hindi lamang nabilhan ng laruan ng kanyang ina sa Dasmariñas City, Cavite, kamakalawa ng hapon.
Kinilala ni PO1 Romelson Halot, desk officer ng Dasmariñas police station ang nag-suicide na si Adrian Bircal ng Block 1 Lot 64 Zone 1, Bautista Property, Barangay Sampaloc.
Ayon sa police report, nagulat na lang si Jonalyn Bircal nang matagpuan nito ang kanyang anak na nakasabit sa taas ng kanyang double-deck bed habang nakapulupot ang sinturon sa kanyang leeg bandang alas-4 ng hapon.
Napag-alaman ng mga imbestigador ng pulisya na sinasabing sumama ang loob ng bata matapos hindi napagbigyan ng kanyang ina sa hinihiling nitong laruan.
Isinugod pa sa St. Paul Hospital ang biktima pero idi neklarang patay ni Dr. Ang.
Hindi naman masabi ng mga imbestigador kung anong klaseng laruan ang pilit na pinabibili ng bata na naging mitsa ng kanyang buhay.