KIDAPAWAN CITY, Philippines — Nauwi sa trahedya ang mainitang pagtatalo kaugnay sa bentahan ng lupa matapos na mapatay ang ama ng kanyang anak na lalaki sa Barangay Poblacion sa bayan ng Antipas, North Cotabato kamakalawa ng gabi.
Napuruhan ng bala ng baril sa dibdib at idineklarang patay sa Arakan Valley District Hospital si Concordio Dumaog, 57 habang tinutugis naman ng pulisya ang suspek na si Rodel Dumaog, 30.
Base sa police report, sumentro ang isyu sa pag-aaring lupa ng ka nilang pag-uusap kung saan iminungkahi ni Concordio sa kanyang anak na si Rodel, 30, na ibenta ang maliit nilang lupain sa Poblacion para may pambayad sa ospital ng isa pa nilang kapatid na sumailalim sa caesarian operation.
Gayon pa man, ‘di-pumayag si Rodel kayat nagtalo ang mag-ama habang nag-iinuman ng alak.
Sa kainitan ng pagtatalo, kinuha ni Rodel ang baril at ipinutok sa dibdib ng ama bago tumakas.