BULACAN , Philippines — Limang bangkang-de-motor at 27 kalabaw ang pinagkaloob ng pamahalaang panlalawigan ng Bulacan sa mga mangingisda na nakatira sa malayong isla sa Malolos City at ilang barangay sa bayan ng San Miguel, Bulacan. Pinangunahan ni Bulacan Governor Joselito Mendoza kasama si Dr. Voltaire Basinang ng provincial agriculture office ang pagbibigay ng mga bangkang-de-motor kina Marcelino Ramos, Adelino Benedicto, Raymond Cabigao, Luis Cabigao, at Alberto Torres na pawang mangingisda sa Brgy. Caliligawan na kanugnog lugar malapit sa Manila Bay. Sa pamamagitan ng proyektong Lingap Barangay ay nagkaloob din ng libreng medical at dental mission sa may 375 residente katuwang ang ilang malalaking kumpanya tulad ng SM Marilao, SM Baliwag, at Mercury Drug. Boy Cruz