CAMP SIMEON OLA, Legazpi City , Philippines – Humabol pa ng Undas ang mag-asawa at anak nilang babae makaraang masalpok ng truck ang motorsiklo na sinasakyan ng tatlo sa kahabaan ng highway sa Sitio Catindog, Barangay Usab sa Masbate City, Masbate.
Kabilang sa mga nasawi ay ang mag-asawang sina Darryl Longhas, Rosalie Longhas, at ang anak na si Cyril Mae Longhas, 3, samantalang sugatan naman si Beverly Combenido.
Batay sa police report, lumilitaw na inakupa ng motorsiklo ng tatlo ang kabilang linya ng highway kung saan nawalan naman ng kontrol ang truck (RGY 877) ni Roa Charito ng Aroroy, Masbate kaya naganap ang trahedya.
Samantala, nahagip din ng truck ang nakaparadang traysikel kung saan nakaupo si Combenido. Pormal naman kakasuhan ang drayber na si Charito habang nakapiit sa himpilan ng pulisya. Ed Casulla