PANGASINAN, Philippines – Dalawa-katao ang iniulat na nasawi makaraang salpukin ng mini-bus ang traysikel sa kahabaan ng highway sa Poblacion sa bayan ng Binmaley, Pangasinan kamakalawa ng hapon. Kinilala ng pulisya ang dalawang sakay ng traysikel na sina Franklin Sangalong ng Barangay Baybay Polong at ang pasahero nitong si William Tumanan, 12. Pormal naman kinasuhan habang nakakulong ang drayber ng minibus na si Joey Mejia, 33, ng Barangay Bayaoas sa bayan ng Aguilar. Napag-alamang minamaneho ni Sangalong ang traysikel nang makasalubong ang bus ni Mejia. Cesar Ramirez