CAMP SIMEON OLA, Legazpi City, Philippines – Pinaniniwalaang revolutionary tax na hindi naibigay ang pangunahing motibo kaya sinunog ng mga rebeldeng New People’s Army ang cellsite ng Sun Cellular Telecoms kamakalawa ng gabi sa Barangay Abuyog, Sorsogon City, Sorsogon. Dakong alas-8:30 ng gabi nang salakayin at sunugin ng mga rebelde ang cellsite na kung saan walang nagawa ang ilang bantay na kalalakihan. Napag-alaman din iniharang ng mga rebelde ang ilang pinutol na niyog sa gitna ng kalsada sa pagitan ng Barangay Payawin at Barangay Buhatan upang hindi kaagad makapagresponde ang pulisya at militar. Ed Casulla