MANILA, Philippines - Dahil sa matinding galit matapos na maaktuhan sa pakikipagtalik sa kaniyang kerida, pinaghahampas ng kadena ng isang misis ang kaniyang mister sa Koronadal City, South Cotabato kamakalawa ng madaling-araw.
Sa salaysay sa pulisya ni Gemma Villa, 41, umabot na sa sukdulan ang kanyang galit nang maaktuhan ang kanyang 44-anyos na mister na nakikipagtalik sa isang 19-anyos na dalaga sa loob mismo ng kanilang kuwarto sa Barangay Namnama pasado alauna ng madaling-araw. Mabilis namang nakatakbo ang kalaguyo nito na naka-underwear lang at naiwan ang damit.
Bago ang insidente, inamin ni Villa na nagkaroon sila ng hindi pagkakaunawaan ng kaniyang mister na kadalasan ay umuuwi ng senglot. Ayon sa misis, hindi naman niya suka’t akalain na maaabutan sa malaswang eksena ang kanyang mister sa loob pa mismo ng kanilang silid. Joy Cantos