MANILA, Philippines - Pinagbabaril hanggang sa mapatay ang magkaibigang sabungero sa naganap na panibagong karahasan sa Maharlika Village, Matina, Talomo, Davao, kahapon ng madaling-araw.
Kinilala ang mga biktima na sina Dave Galde, 31, ng Maharlika Village; at Marvin Abraham,37, ng Matina Aplaya.
Sa police report na nakarating sa Camp Crame, lumilitaw na magkasama ang dalawa na lumabas ng sabungan para kumain nang lapitan at ratratin ng mga ‘di-pa kilalang kalalakihan. Naniniwala ang awtoridad na may kinalaman sa sabong ang pananambang sa mga biktima. Ricky Tulipat