KIDAPAWAN CITY , Philippines – Pinagbabaril hanggang sa mapatay ang isang 60-anyos na vice president ng transport group ng mga ‘di-pa kilalang kalalakihan sa Barangay Saguing, Makilala, North Cotabato kamakalawa ng gabi.
Nasapol sa ulo ng bala ng baril si Gaudencio Gaviola, opisyal ng Metro Kidapawan Aircon Transport Association (MKATA). Ayon kay PO3 Rey Layos, lumilitaw na may kausap na dalawang lalaki ang biktima sa loob ng kanyang tahanan nang umalingawngaw ang dalawang putok ng baril.
May teorya ang pulisya na kakilala ng biktima ang dalawang lalaki na kanyang kausap dahil sa pinatuloy na sa kanyang bahay. Sinisilip ng mga imbestigador ang anggulong may kaugnayan sa bentahan ng sasakyan ang isa sa motibo. (Malu Manar)