MANILA, Philippines - Isang intelligence officer ng pulisya ang iniulat na napaslang makaraang pagtulungang saksakin ng dalawang miyembro ng notoryus na carnapping gang sa Crossing Hilamunan, Kabankalan City, Negros Occidental kamakalawa.
Sa ulat ni P/Supt. Calixto Mabugat, idineklarang patay sa Lorenzo Zayco Hospital si SPO1 Hernani Diwatin.
Sa pahayag ng mga testigo, nagtungo sa lugar ang biktima upang iberipika ang nangyaring carnapping dakong alas-2 ng madaling-araw subalit hindi akalaing sasalubong si kamatayan.
Narekober naman ng pulisya ang motorsiklo at backpack na sinasabing pag-aari ng mga suspek. (Joy Cantos)