BULACAN , Philippines – Balik-kulungan ang isang ex-convict na sinasabing sangkot sa pagkidnap with rape sa dating aktres makaraang ireklamo ng kanyang sariling asawa sa panghahalay ng anak na dalagita sa bayan ng Pulilan, Bulacan.
Kinilala ni SPO4 Letlet De Guzman, ang ex-convict na si Roberto Untalan y Camo, 57, traysikel drayber, tubong Ligao, Albay at residente ng Brgy. Tenejero, Pulilan.
Sa police report, naganap ang unang panghahalay sa biktima noong Hulyo 2009 at ang pinakahuli at noong Agosto 6,2009. Nadiskubre ang krimen matapos magreklamo ang biktima sa kanyang ina. (Boy Cruz)