ANTIPOLO CITY, Rizal, Philippines – Pinaniniwalaang may matinding atraso kaya tinambangan at napatay ang isang 60-anyos na mister ng motorcycle-riding assassin kamakalawa ng gabi sa kahabaan ng Marcos Highway sa Antipolo City, Rizal. Hindi na umabot ng buhay sa Amang Rodriguez Medical Center sa Marikina City si Armando Pangilinan ng Sitio Manalite, Brgy. Mayamot, Antipolo City habang sugatan naman ang misis nitong si Olivia, 58. Sa inisyal na ulat ng pulisya, lulan ng FX taxi (CCJ-191) ang mag-asawa nang dikitan ng naka-motorsiklong gunman. Nang huminto ang FX, dito bumaba ang kaangkas sa motorsiklo at lumapit sa bintana na inuupuan ng mag-asawa. Dito pinaputukan ng suspek si Armando sa ulo kung saan tumagos ang bala at tumama pa sa kaliwang tuhod ng asawang si Olivia. Danilo Garcia