SAN JOSE DEL MONTE CITY, Bulacan, Philippines – Tatlong rugby boys ang inaresto ng pulisya matapos na gahasain at patayin ng mga ito ang 17-anyos na misis kamakalawa ng hapon.
Ang biktimang si Janine San Antonio, residente ng UC-4 Blk. 4, Brgy. Citrus, San Jose Del Monte ay natagpuan sa isang madamong sementeryo na patay na at basag ang mukha, wala ng panty.
Habang ang mga suspek na sina Kenjie Bocboc, 22, binata, kapatid nitong si Kenly Bocboc, 19, kapwa residente ng RC-10, Brgy. Citrus at Jaypee Navales 21, binata, residente ng Blk. 2, Lot 22, Brgy. Bagong Buhay 1, sa siyudad ding ito ay nakakulong ngayon sa himpilan ng pulisya matapos na ituro ng isang saksi na sila ang responsible sa pagpatay at panggagahasa sa biktima.
Sa imbestigasyon ng pulisya, ang biktima ay umalis ng kanilang bahay dakong alas-5:00 ng hapon para bumili ng gatas ng anak nito ngunit hindi na nakabalik pa, dahilan para hanapin ito ng kanyang kaanak hanggang sa makita sa nasabing sementeryo.
Inamin naman ng tatlong suspek na napagtripan nila ang biktima at napilitang patayin ito ng sila ay makilala. Nabatid na bangag sa rugby ang mga suspek. (Boy Cruz)