BULACAN, Philippines — Nagwakas ang pagiging drug pusher ng mag-iina matapos maaresto ng pulisya sa buy-bust operation kamakalawa ng gabi sa bahagi ng Brgy. Pitpitan sa bayan ng Bulakan, Bulacan. Pormal na kinasuhan ng pulisya habang nakakulong ang mga suspek na sina Emerita Macario y Roque, 56, negosyante; Rommel Macario y Roque, 30; at si Bernard Macario y Roque, 28. Arestado rin si Rommel Cruz, 28, ng Brgy. Panasahan, Malolos City, matapos na maaktuhang bumibili ng shabu sa mag-iina. Narekober sa mga suspek ang ilang gramo ng shabu na agad namang ipinadala sa Bulacan Crime Lab Office sa Malolos City upang suriin. - BoyCruz