BATANGAS, Philippines – Dalawa-katao kabilang ang isang 38-anyos na dating barangay konsehal ang iniulat na napaslang sa panibagong karahasang naganap sa Brgy. Aguila sa bayan ng San Jose, Batangas kahapon.
Kinilala ni P/Chief Inspector Manuel Castillo, hepe ng San Jose PNP, ang mga biktimang sina Romeo Atienza, dating kagawad ng nabanggit na barangay at ang 12-anyos na si Jelly Dimas na tinamaan ng ligaw na bala ang baril.
Ayon sa police report, nakatayo lang sa harap ng kanyang bahay si Atienza nang biglang dumating ang mga di-kilalang lalaki na sakay ng motorsiklo.Napag-alamang nakatakbo pa sa loob ng bahay ng kanyang kapatid si Atienza pero hinabol din ng dalawa at pinagbabaril.
Nagkataon namang dumaraan ang batang si Jelly nang tamaan ng ligaw na bala sa batok. (Arnell Ozaeta)