RIZAL – Tatlong kalalakihan ang inaresto ng mga awtoridad matapos na ireklamo ng panggagahasa sa dalawang dalagita sa loob ng sementeryo matapos painumin ng alak sa Barangay, Banaba sa bayan ng San Mateo, Rizal.
Sa ulat ni Supt. Ronaldo Mendoza, hepe ng San Mateo Police, kinilala ang mga suspek na sina Joel Alonzo, 31; Arman Navalta, 18; at Roque Cafe, 51, pawang mga tricycle driver at nakatira sa Baybay Sapa, Barangay Banaba sa nasabing bayan.
Sila ay dinakip base sa sumbong ng mga magulang ng biktimang itinago sa mga pangalang Marie, 15 anyos, at Rosa, 17, kapwa nakatira sa Baybay, Sapa ng nasabing Barangay. Ginahasa umano ang dalawang dalagita sa damuhan ng sementeryo sa C-6, Barangay Banaba ganap na alas 8:00 ng gabi. (Ricky Tulipat)