Suspendido muna pansamantala ang Permit to Carry Firearms Outside Residence sa buong Cebu kaugnay ng pagdiriwang ng Sinulog Festival sa Linggo.
Ang direktiba ay ipinag-utos ni Philippine National Police Chief Director General Jesus Verzosa base sa rekomendasyon ni Police Regional Office 7 Director Chief Supt. Ronald Roderos.
Ang suspensyon ng PTCFOR ay epektibong ipinatupad simula dakong alas-12 ng hatinggabi ng Enero 16 at tatagal hanggang alas-12 ng hatinggabi ng Linggo.
Sinabi ni Verzosa na kanyang binigyang-bigat ang rekomendasyon ni Roderos upang matiyak na magiging mapayapa ang pagdiriwang ng okasyon. (Joy Cantos)