Tatlo-katao ang iniulat na nasugatan kabilang ang isang pulis at misis nito makaraang sumabog ang itinanim na bomba sa isang police outpose sa Barangay Lagao, General Santos City, South Cotabato noong Martes ng gabi.
Kinilala ang mga nasugatan na sina PO1 Jake Boronica, asawa nitong si Liezel at ang isang kawani ng bar na nakilalang si Joy Peñafel.
Sa ulat ng pulisya na nakarating sa Camp Crame, naganap ang insidente sa nasabing outpost sa panu lukan ng Tiongson at J. Catolico Streets bandang alas-7:50 ng gabi.
Napag-alamang binabantayan ni Boronica ang nasabing outpost nang biglang yanigin ito ng pagsabog. Nabatid na bago ang insidente ay ilang kahinahinalang kalalakihan ang nakitang nagmamasid sa lugar. (Joy Cantos)