RIZAL – Karit ni kamatayan ang sumalubong sa magtiyuhin makaraang pagbabarilin ng mga ‘di-pa kilalang lalaki sa loob ng kanilang bahay sa Barangay Hulo sa bayan ng Pililla, Rizal kamakalawa ng gabi.
Kinilala ang mga biktimang sina Ronnie Masaya, 39, jeepney drayber at John Mark Angeles, 23, kapwa naninirahan sa ML Quezon Street ng nabanggit na barangay.
Sa police report na isinumite kay P/Chief Insp. Ramon Gabat, hepe ng Pililla PNP, magkasamang nanonood ng telebisyon ang mga biktima nang pasukin at ratratin ng mga armadong kalalakihan. Edwin Balasa