Isa na namang professor ng Mindanao State University ang dinukot ng hindi pa nakilalang mga armadong kalalakihan sa Marawi City, Lanao del Sur kamakalawa.
Kinilala ang biktima na si Sherwin Nacua, isang biology professor sa naturang premyadong unibersidad sa Mindanao.
Ayon sa imbestigasyon, patungo si Nacua kasama ang mga English professor na sina Herbert Taberdo at Frank Amarillo at 20 pang faculty members sa Iligan City mula sa kanilang klase sa Marawi City nang maganap ang insidente kamakalawa ng hapon.
Hinarang ng mga suspek ang FX kaya isa-isa namang nagsitalon ang ibang guro.
Naiwan sa FX si Nacua na siyang tinangay ng mga kidnapper patungong bayan ng Piagapo. (Joy Cantos)