CEBU – Isa ang patay habang 20 iba pa ang sugatan na karamihan ay kababaihang kawani ng isang pabrika sa Danao City makaraang sumemplang ang pampasaherong jeepney saka sumalpok sa isang motorisklo sa highway na sakop ng Sitio Guiwanon, Barangay Poblacion sa bayan ng Compostela, Cebu kamakalawa ng umaga.
Kinilala ni SP01 Silas Seballo, ang namatay na si Joseph Batican, 31, ng Danao City na kasama ang ka-live-in partner na si Carina Quiros sa minamaneho nitong motorsiklo.
Ayon kay SP01 Seballo, pumutok ang unahang gulong ng jeepney ni Nilo Matugas kaya’t nawalan ng kontrol bago nagpagulung-gulong at inararo ang kasalubong na motorsiklong sinasakyan nina Batican at Quiros.
Maliban sa dalawa, nadamay din ang bisekleta ni Edgardo Barrole na noon ay nakasunod sa motorsiklo ni Batican.
Kabilang sa mga sugatan na naisugod sa Danao City District Hospital at ibat-ibang pagamutan sa Cebu City ay sina si Jerame Nalasa, 19; Rita Fe Baladjay, 18; Glory Panal, 18; Catherine Can tiado, 22; Terene Lungayan, 22; Merlinda Ruiz, 19; Monet Ramos, 21; Marilyn Matugas; Anecito Andrade, 21; Bernadeth Pariola, 21; Cristie Añora, 23; Victoria Labador, 35; Maricel Cabaluna, Ryan Martel, Leodisa Dungog, Melanie Semblante, Joana Peñaflor, Elioterio Gonzales at si Ronel Brigole. Edwin Ian Melecio