CAVITE – Isang tinedyer na lalaki ang iniulat na nasawi makaraang mabaril habang nagbibisikleta sa kalsadang sakop ng Barangay San Esteban, Dasmariñas, Cavite kamakalawa.
Nasapol ng bala ng shotgun si Raphael Molines, 15, ng Barangay Datu Esmael. Tugis naman ng pulisya ang suspek na si Arnold “Nognog” Bautista, 23, ng Block 1 Lot 15 Barangay Sta. Lucia.
Sa imbestigasyon ni PO1 Marvin Causaren, lumilitaw na tinarget ng suspek ang nakaalitang si Ricky Peñaflor, subalit hindi tinamaan ng bala ng shotgun bagkus ang biktimang nagkataong napadaan lamang. (Cristina Timbang)