Sinalakay at sinunog ng tinatayang may 50 rebeldeng New People’s Army ang isang mining firm sa panibagong paghahasik ng karahasan sa Maco, Compostela Valley nitong Huwebes ng gabi.
Dakong alas-7:00 ng gabi nang sumalakay ang mga rebelde sa Apex Mines compound sa Brgy. Masara, Maco.
Agad na binuhusan ng gasolina at sinunog ng mga ito ang isang pay loader at apat na LPT. Kabilang naman sa mga armas na natangay ay limang M16 rifles, dalawang shotguns dalawang cal .38 revolver at apat na handheld radios. (Joy Cantos)