Camp Miguel Malvar, Batangas – Isang kawani ng door-to-door delivery ang napatay ng mga holdaper matapos tangayin ang kanyang koleksyong pera sa Lemery, Batangas kamakalawa ng hapon.
Kinilala ni Senior Superintendent David Quimio, Batangas police director, ang biktimang si Ceasar Aquino, residente ng Barangay Malinis ng nasabing bayan.
Ayon sa report, naglalakad sa may kahabaan ng highway sa Barangay District 2 ang biktima para magdeposito sana ng pera sa isang sangay ng Philippine National Bank nang holdapin ng mga suspek. (Arnell Ozaeta)