Batay sa report, unang biktima ng karahasan si Ruben Ermino, 52, na pinagbabaril ng mga armadong kalalakihang sakay ng motorsiklo sa bahagi ng Barangay Tabi, Gubat, Sorsogon dakong alas-12 ng tanghali noong Martes (Enero 23).
Ganap na alas-7 ng gabi nang ratratin naman ang biktimang si Demetrio Imperial, 26, sa harapan ng misis nito at anak habang naghahapunan sa kanilang bahay sa Barangay Sogoy, Castilla, Sorsogon.
Sa talaan ng Karapatan, umaabot sa 824-kaso ng extra judicial killing ang naitala laban sa hanay ng militanteng grupo simula ng manungkulan si Pangulong Gloria Macapagal-Arroyo noong 2001.
Magugunita na noong Mayo 2004 elections, nakakuha ng anim na puwesto sa Kamara de Representantes ang Bayan Muna pero tatlo lamang ang pinanumpa ng Comelec dahil limitado lamang ito alinsunod sa itinatadhana ng batas. (Joy Cantos)