Ayon kay Alex Maraan, regional director ng Department of Labor and Employment (DOLE), ang apat na dalagita ay mula pa sa Bagong Silang, Caloocan City at bayan ng Mercedes, Camarines Norte.
Sa ulat ni P/ Insp. Edgar Callada ng Criminal Investigation and Detection Group (CIDG), kabilang sa sinalakay ay ang 3 Kids videoke bar na pag-aari ni Major Bartolome Regocera ng Phil. Army na matatagpuan sa Central Plaza Complex, Barangay Lag-on; Honeybee videoke bar na pag-aari ni Victoria Imperial at ang Bigbees videoke bar na kapwa nasa Vinzons Avenue, Daet.
Pormal na sinampahan ng kaukulang kaso ang nasabing opisyal ng Phil. Army partikular na ang manager ng nabanggit na bar na si Amelia Suyat at Charlote De Guzman.
Napag-alamang lumolobo ang bilang ng kababaihang namamasukan sa mga videoke bar sa bayan ng Daet, Jose Panganiban at Paracale sa Camarines Norte. (Francis Elevado)