2 mister kinarit ni kamatayan

CAMP SIMEON OLA, Legazpi City — Dalawang mister ang iniulat na nasawi makaraang pagbabarilin ng mga hindi kilalang kalalakihan sa naganap na magkahiwalay na karahasan sa Camarines Sur at Albay kamakalawa. Ang biktimang si Rodolfo Cantalejao, 42, ay pinaslang sa bahagi ng Barangay Fabrica sa bayan ng Calabanga, Camarines Sur matapos na dumalo ng anibersaryo ng patay, samantalang si Melarosa Maratillo, 42, ay nilikida habang naghahanda ng hapunan sa kanilang bahay sa Barangay Cotmon, Camalig, Albay. Wala namang makalap na dahilan ang pulisya sa pagkakapaslang sa dalawang biktima. (Ed Casulla)