2-katao niratrat, patay

CAVITE – Dalawang sibilyan ang iniulat na pinaslang makaraang pagbabarilin hanggang mapatay ng mga hindi kilalang kalalakihan sa naganap na namang karahasan sa bayan ng Dasmariñas, Cavite kahapon ng madaling-araw. Wala namang pagkikilanlan sa dalawang pinaslang na pinaniniwalaang nasa edad 28 hanggang 35-anyos at kapwa nakasuot ng maong pants, puti’t asul na t-shirts. Ayon kay PO3 Edgar Belza, huling namataan ang mga biktima na naglalakad sa bahagi ng pampublikong palengke sa Barangay H2 nang lapitan ng mga hindi kilalang kalalakihan at pagbabarilin bandang alas-2 ng madaling-araw. May teorya ang pulisya na ang mga biktima ay kapwa residente sa karatig barangay. (Cristina Timbang)