Sa ipinadalang ulat ng Guimba Police sa Nueva Ecija Police Provincial Office (NEPPO), nakilala ang mga nasawing biktima na sina Eddie Baldovino at Jun Rey Angcut, kapwa residente ng bayang ito.
Habang nilalapatan ng lunas sa Guimba General Hospital ang mga sugatang sina Jose Baliwan, driver ng single na motorsiklo (AJ-5295) at Eduardo Fermin Jr., driver ng isang tricycle (YY-5314).
Nabatid na bandang alas-5:35 ng hapon habang binabagtas ng mga biktima ang kahabaan ng Provincial Road nang mabundol ng motorsiklo ni Baliwan si Fermin habang patungo ang mga ito sa kanlurang direksyon. Angkas ni Baliwan si Angcut habang pasahero ni Fermin sa kanyang tricycle si Baldovino. Napunta naman sa kabilang lane ng kalsada ang tricycle at aksidenteng nabundol ng paparating na XLT type passenger (OWN-280) na minamaneho ni Victorino Damo. Halos mawasak ang tricycle na ikinasawi nina Baldovino at Angcut at ikinasugat ng dalawang driver. (Christian Ryan Sta. Ana)