Mag-utol initak ng ama, grabe

BULACAN — Nasa kritikal na kondisyon ang mag-utol na lalaki matapos na pagtatagain ng sariling ama habang umaawat sa away ng kanilang magulang ang mga biktima sa Barangay Batasan Old sa bayan ng San Miguel, Bulacan, kamakalawa. Kasalukuyang ginagamot sa ospital ang mag-utol na sina Ferdinand, 24 at Miguel Pelayo, 28, kapwa drayber at residente rin sa nasabing lugar. Naghihimas ng rehas na bakal at pormal na sasampahan ng kaukulang kaso ang suspek na si Mario Pelayo,56, jobless, ng nabanggit na barangay. Napag-alaman sa ulat na isinumite kay P/Supt. Absalon Salboro, hepe ng pulisya sa nabanggit na bayan, nagkaroon ng matinding awayan ang mag-asawa kaya tinangkang awatin ng mag-utol, subalit sila ang pinagbalingan ng galit ng suspek at nauwi sa pananaga. (Efren Alcantara)