Hindi na umabot ng buhay sa ospital ang biktimang si Cesar Murla, 48, assistant director for operations ng National Intelligence Coordinating Agency (NICA) ng Region 1 na nakabase sa Camp Diego Silang, La Union.
Napag-alamang susunduin ng suspek ang anak sa nasabing kolehiyo nang biglang lapitan ng dalawang hindi kilalang lalaki na naka-uniporme na katulad ng mga estudyante. Hindi na nakaporma ang biktima matapos na paputukan ng sunud-sunod hanggang sa bumulagtang duguan. Ilan sa mga nakasaksi sa insidente na kapwa may edad na 24 hanggang 25-anyos ang mga suspek na palakad na lumayo sa pinangyarihan ng krimen.
Ayon kay P/Chief Inspector Sterling Blanco, posibleng may kaugnayan sa trabaho ng biktima bilang intelligence officer kaya isinagawa ang krimen. (Ulat ni Artemio Dumlao)