2-katao dedo sa road mishap

BATAAN — Maagang kinalawit ni kamatayan ang isang negosyante na nag-aabang ng masasakyan at isa pa ang mga namatay, habang dalawa ang nasa bingit ng kamatayan makaraang araruhin ng dyip sa naganap na aksidente kamakalawa sa kahabaan ng Roman Super Highway na sakop ng Barangay Calaylayan sa bayan ng Abucay, Bataan. Kabilang sa namatay ay sina Ernesto Nabua, 48, isang negosyante at Leo Vigildo Paz, 54, ng Tagles Ville Barangay Capitangan. Samantala, ang nasa malubhang kalagayan ay sina Rogellio Bongco 48, at Mario Fabian, drayber ng pampasaherong jeep at kapwa ng Barangay P. Rivas Balanga City. Lumitaw sa imbestigasyon ng pulisya, nawalan ng kontrol sa manibela ang drayber bago inararo si Nabua at sumalpok naman ang sasakyan sa kongretong pader na nasa gilid ng highway. (Ulat ni Jonie Capalaran)