Kinilala ni P/Supt. Crod Maranan, hepe ng PP Lemery ang biktimang si Conchita Hernandez, samantalang pinaghahanap naman ng mga awtoridad ang mga suspek na sina Ailyn Cesar at isang nakilalang Aiza na kapwa katulong ng biktima sa bahay nito.
Lumitaw sa imbestigasyon, na bandang alas-11:40 ng umaga nang makatanggap ng tawag ang himpilan ng Lemery PNP na natagpuang patay ang biktima sa naturang lugar na tadtad ng saksak sa katawan na pinaniniwalaang pinatay bandang alas-12 ng hatinggabi.
Sa rekord ng pulisya na isang araw bago maganap ang krimen ay nag-file ng reklamo ang biktima laban sa mga suspek na ninakaw umano ang kanyang gintong bracelet na isa sa mga anggulong sinisilip ng pulisya.
Narekober sa pinangyarihan ng krimen ay ang isang bolo na may 60 cm ang haba, isang balisong at steel pipe na posibleng ginamit sa pamamaslang. (Ulat ni Arnell Ozaeta)