Kinilala ang nasawi sanhi ng isang tama ng bala sa kanang dibdib mula sa caliber .45 pistol na si ret. Judge Percival Lopez, 71, biyudo samantalang agaw buhay naman sa Angono Medical Center ang katulong nitong si Maricel Carino, 24, na nagtamo naman ng isang tama ng bala sa tiyan; pawang residente ng Village East III, Brgy. Pag-asa ng nasabing bayan.
Sinabi ni Rizal Provincial Police Director Sr. Supt. Leocadio Santiago Jr., nadiskubre ang krimen dakong alas-6 ng gabi sa loob ng kuwarto ng dating hukom na matatagpuan sa ikalawang palapag ng nasabing tahanan.
Nakuha sa lugar ang isang cal. 45 pistol na pag-aari ng nasawing huwes. Samantalang suicide o homicide naman ang sinisilip na anggulo sa krimen habang patuloy ang imbestigasyon sa kasong ito. (Edwin Balasa)