Kinilala ang pinaghahanap na biktima na si Captain Raymond Castillo ng Chemrad Company.
Batay sa report ang nasabing eroplano na may numerong RPC-2079 ay naglalaman ng mga isda galing Palawan ng aksidente itong bumagsak sa karagatan ng Quezon bandang ala-1:20 nitong Sabado.
Nagawa pa umanong rumadyo ng biktima sa Manila Control tower upang ipagbigay alam na nagsasagawa ito ng emergency landing sa karagatan dahilan sa hindi inaasahang maubusan ng Al fuel gas.
Kaagad namang nagsagawa ng rescue operation ang mga tauhan ng 505th Wing Search and Rescue Team ng Phil. Air Force (PAF) para marekober ang biktima.
Sa pinakahuling impormasyong nakuha mula kina PAF pilot Captain Noel Plotado at Co-pilot Capt. Jerry Naldoza; kapwa ng 505th Search and Rescue Group, lubhang nahihirapang magsagawa ng sea operation sa lugar na pinagbagsakan ni Castillo dahilan sa napakalakas na alon.
Sinikap ring makakita man lang ng piraso ng bahagi ng eroplanong bumagsak sa karagatan ngunit hanggang sa ngayon ay bigo pa rin ang mga nagsasagawa ng air and sea operations. (Butch Quejada)