Duwelo: 2 senglot patay
CAVITE — Dalawang senglot na lalaki ang iniulat na nasawi makaraang magsaksakan dahil nagkapikunan kamakalawa ng gabi sa Barangay Burol 1, Dasmariñas, Cavite. Hindi na umabot pa ng buhay sa ospital ang nagkapatayang sina: Alberto Macasinag, 54 at Eduard Lavado, 39, kapwa may-asawa at naninirahan sa nabanggit na barangay. Sa ulat ng pulisya, bandang alas-6 ng gabi habang magkasamang nag-iinuman ang dalawa nang magkasagutan sa hindi nabatid na isyu hanggang magpatayan. (Ulat ni Cristina G. Timbang)