1 patay, 6 grabe sa road mishap
IMUS, Cavite – Maagang kinalawit ni Kamatayan ang isang babae habang anim naman ang malubhang nasugatan makaraang bumaligtad ang sinasakyang dyip ng mga biktima sa kahabaan ng Aguinaldo Highway na sakop ng Barangay Lalaan I, Silang, Cavite kamakalawa. Kinilala ng pulisya ang nasawi na si Juvy James Mula. Kabilang sa malubhang nasugatan na ngayon ay ginagamot sa Estrella Hospital ay sina: Cherry Rose Mula, Anna Maria Mula, Jennifer Plasa, Neil Eduard Mula, Ben Rose Aguila at Mobbie Gellan Mula na pawang residente ng Barangay Eladio Ignatius, General Trias, Cavite. (Ulat ni Cristina G. Timbang)