Dalagita ni-rape ng 4 tinedyer

CAVITE – Napagtripang halayin ng apat na tinedyer ang isang 15-anyos na estudyanteng dalagita makaraang dumalo ng birthday party ng kanyang kaibigan sa Barangay Salinas 1, Bacoor, Cavite kahapon ng madaling-araw. Agad na dumulog sa himpilan ng pulisya ang biktimang itinago sa pangalang Gina ay residente ng Villamor Airbase, Pasay City, samantalang isa sa mga suspek na nadakip ay itinago sa pangalang Joseph, 16 habang sina Eric, 15, Jersey, 16 at Mark, 16 na pawang menor-de-edad ay tinutugis ng pulisya. Ayon kay PO1 Ernesto Caparas Jr.,naitala ang krimen dakong alas-2 ng madaling-araw matapos na dalhin ang biktima sa naturang lugar at simulang pilahan ng mga suspek. (Ulat ni Cristina G. Timbang)