Ang mga nasawi ay nakilalang sina Francisco Ofer, 32, may-asawa at Earl Realizan, pawang residente ng Purok 6, Brgy. San Ramon Tabaco City. Agad namang sumuko ang driver ng truck na si Resurecion Gaza, 39, may asawa, driver at residente ng Brgy. Binitayan, Malilipot ng lalawigan.
Batay sa ulat ng pulisya, ang insidente ay naganap dakong alas-6:30 ng umaga habang ang mga biktima ay nakasakay sa isang Suzuki motorcycle na may plalang EJ-2569 na bumabagtas sa kahabaan ng naturang highway. Nawalan umano ng kontrol sa manibela ang driver ng 6-wheeler truck na may plakang CEW-997 na sa bilis ng takbo ay nabundol ang motorsiklong kinalululanan ng dalawang biktima. Sa lakas ng pagkakabangga ay tumilapon sa motorsiklo ang mga biktima na nagulungan pa ng truck. Kasalukuyan pang isinasailalim sa masusing pagsisiyasat ang kaso. (Ulat ni Ed Casulla)