Nasawi sa tama ng bala sa dibdib habang ginagamot sa Premiere General Hospital ang biktimang si Michael Pillarina y Sarmiento, 17, empleyado ng Isla Acacia Hotel ng Brgy. San Vicente, Jaen, Nueva Ecija.
Sa imbestigasyon ng pulisya, nabatid na si Pillarina ay nagpasamang bumili ng cellcard sa kasamahang roomboy na si Jeffrey Urbano bandang alas-7:30 ng gabi nang maganap ang insidente.
Ayon kay Urbano, habang inilo-load ng biktima ang cellcard ay hinintuan sila ng suspek na sakay ng walang plakang traysikel saka mabilis na inagaw ang Nokia 3210 ng biktima.
Imbes na hayaan na lang ng biktima na maagaw ang kanyang cellphone ay nanlaban pa ito sa suspek na armado ng baril kaya pinaputukan ito ng isang beses saka mabilis na tumakas patungo sa Brgy. Bangad. (Ulat ni Christian Ryan Sta. Ana)