P.150-M iligal na troso nasabat

NUEVA ECIJA – Umaabot sa P.150 milyon iligal na troso na lulan ng dalawang trak ang nasabat ng pulisya at mga tauhan ng Department of Environment and Natural Resources (DENR) sa checkpoint na sakop ng Barangay Padolina, General Tinio, Nueva Ecija kamakalawa ng madaling-araw.

Agad namang dinakip ang dalawang drayber na sina Rommel Ladignon ng Barangay Concepcion at Gary Fermin ng Barangay Rio Chico matapos na masabat ang kanilang sasakyang may plakang NNR 766 at PCX 881.

Ayon kay CENRO Meliton Vicente ng DENR Southern Nueva Ecija office, nakatakdang dalhin sa Maynila ang iligal na trosong pag-aari nina Andresito Busalpa at Larry Gonzales ng bayang ito. (Ulat ni Christian Ryan Sta. Ana)