Agad na bumulagta ang biktimang si Joven Villanueva, 31, may asawa ng Purok 3, Zone 8, Barangay Cupang, Antipolo, City. Samantala, tinutugis naman ang suspek na si Roger Rosalinas, 35 ng nabanggit na barangay.
Sa imbestigasyon ni PO2 Ruben Ferrer Jr., naitala ang krimen bandang alas-12:15 ng madaling-araw sa loob ng bahay ng suspek.
Napag-alaman na habang nagsisigawan ang mag-asawa ay dumating ang biktima at tinangkang mamagitan sa nagaganap na gulo.
Pasigaw na sinabihan ng suspek ang kanyang bilas na huwag makialam sa kanilang away pero nagmatigas na umawat.
Dito na umalis ang suspek patungo sa kusina at pagbalik ay hawak na ang jungle bolo hanggang sa isagawa ang krimen. (Ulat ni Edwin Balasa)