Idineklarang patay sa Jesus of Nazareth Hospital ang nasawing pulis na si SPO4 Andy Ilagan, 46, ng Traffic Management Group sa Camp Vicente Lim, Calamba City, Laguna at residente ng Barangay Kumintang Ilaya, Batangas City.
Inoobserbahan naman sa Batangas Regional Hospital si SJO2 Fernando Perez, 33, ng Batangas district jail ng Bagong Silang, Barangay San Jose Sico.
Base sa ulat na nakarating kahapon sa Camp Crame, naitala ang duwelo bandang alas-5:40 ng hapon matapos na magsalubong ang magkagalit sa naturang lugar.
Bago pa magkabarilan, ang dalawa ay nagkaroon muna ng mainitang pagtatalo hanggang sa magbunutan ng baril.
Agad na nagresponde ang mga kagawad ng pulisya kabilang na si P/Insp. Mario Bolea sa kinaganapan ng pangyayari kaya naisugod sa ospital ang dalawa pero si Ilagan ay hindi na umabot pa ng buhay dahil sa tatlong tama ng bala ng baril sa katawan. (Ulat ni Joy Cantos)