Asset ng militar at pulisya itinumba

CAMP SIMEON OLA, Legazpi City – Pinaniniwalaang napagkamalang informer ng militar at pulisya ang isang mister kaya itinumba ng mga rebeldeng New People’s Army (NPA) sa harap ng mga kainumang kaibigan sa Barangay Siramag sa bayang ito kamakalawa ng gabi.

Duguang bumulagta ang biktimang si Eduardo Silahi matapos na bistayin ng bala ng baril bandang alas-7 ng gabi sa harap ng tindahan ng kaibigang si Roberto Casano habang nakikipag-inuman ng alak.

Napag-alaman na bago maganap ang pamamaslang sa biktima ay nakakatanggap na ng pagbabanta sa makakaliwang kilusan, ngunit binabalewala nito kaya maagang sinalubong si Kamatayan. (Ulat ni Ed Casulla)