Sinabi ni Alfredo Fuego, regional director ng Civil Defense Office na aabot sa P30-milyong ari-arian ang naabo dahil sa nasunog na 250 kabahayan.
Nagsimulang kumalat ang apoy bandang alas-7:15 ng gabi hanggang sa maapula dakong alas-9:30, ayon kay P/Sr. Supt. Virgilio Remedio.
Sa inisyal na imbestigasyon ni FO2 Mateo Correche, nagsimula ang apoy sa bahay ni Demetrio Babael at dahil sa malakas ang hangin ay mabilis na kumalat sa kalapit bahay hanggang sa matupok ang 250 bahay.
Inaalam ang pagkikilanlan ng mga nasawing biktima na isa ay matandang babae na pinalalagay na hindi kaagad nakalabas ng bahay.
Samantala, aabot sa 210 pamilya ay nailikas na sa Samar provincial gymnasium, ayon kay Luz Tacal, provincial Social Welfare Officer. (Ulat ni Miriam Garcia Desacada)