Sa ulat ni P/Sr. Supt. Rodolfo Mendoza, Pampanga police director, ang dalawang napatay ay nakilalang sina Fernando Martinez at Marcelo Perez, samantala, ang driver na si Ramonchito Galang ay malubhang nasugatan.
Ang mga nasawi ay pawang security aide ni Chito Espino, ABC president at kapatid ni Mayor Benigno Espino.
Napag-alaman pa sa ulat ni Mendoza, bandang alas-4:30 ng hapon nang tambangan ang grupo ni Espino subalit gumanti naman ng putok ang mga bodyguard nito kaya tinamaan ang isa sa mga killer bago nahulog sa sinasakyang van.
Nabatid pa sa ulat na pababa ng sasakyan si Chito nang biglang tambangan ng mga hindi kilalang armadong kalalakihan bago mabilis na nagsitakas sa hindi nabatid na direksyon.
May palagay naman ang mga tauhan ni Espino na responsable sa naganap na pananambang ang grupo ni Mil Lumbang, lider ng Rebolusyunaryong Guerilla ng Arayat (RGA). (Ulat ni Ding Cervantes)