Sa pahayag ni Councilor Jose Mari Natividad, chairman ng Sanggunian Committee on Infrastructure sa mga mamamahayag na walang whitewash sa isasagawang imbestigasyon kahit na sinuman ang masagasaan.
Ang anomalya ay nadiskubre makaraang magsagawa ng evaluation ng project ang City Planning and Development Office (CPDO) at napag-alaman din na hindi nag-comply ang kontratista sa specifications ng programa.
"Ang malaking halaga na naipagpagawa ng pampublikong palikuran ay maipagpapatayo na ng isang gusali ng paaralan," ani Natividad.
Sa ulat ni Natividad na isinumite kay Mayor Pedro Acharon Jr., lumalabas na ang halagang dapat magastos sa isang regular toilet ay P60,000, "kaya magiging pinaka-expensive public toilet sa buong mundo ang proyekto sa Brgy. Batomelong," dagdag pa ni Natividad.
Binalaan pa ni Natividad na mananagot ang kontratista kapag napatunayang substandard ang ginamit na materyales sa pampublikong palikuran. (Ulat ni John Paul Jubelag)