Kinilala ng pulisya ang mga suspek na sina Joan Mendoza, Rolando dela Rosa na kapwa residente ng Brgy. Niog, Bacoor, Cavite; Reynard Dahan ng Brgy. Salitran 3, Dasmariñas, Cavite; mag-utol na Jamila at Norma Usman ng Brgy. Guyong, Sta. Maria, Bulacan, Arlene Pulumbarit ng Brgy. San Agustin, San Rafael, Bulacan at Zenith Penamante ng Brgy. Poblacion, Infanta, Quezon.
Sa ulat ng pulisya, sina Mendoza at Dela Rosa ay nakumpiskahan ng 30 gramo at isang kilong pinatuyong dahon ng marijuana, habang si Dahan ay nasamsaman ng 50 gramo ng marijuana.
Sa isinagawang buy-bust operation ng pulis-Bulacan ay inaresto naman ang mag-utol na Usman dahil sa 50 gramo ng shabu at si Pulumbarit ay naaktuhang nagbebenta ng shabu sachet.
Samantala, si Penamante ay inaresto ng pulisya dahil sa pag-iingat ng hindi pa nabatid na gramo ng cocaine sa Brgy. Bantilan, Infanta, Quezon. (Cristina Go-Timbang/Lanie Sapitanan/Efren Alcantara at Ed Amoroso)