Idineklarang patay sa Bicol Medical Center ang biktimang si Erwin Balote, binata at residente ng Brgy. Poblacion Ilawod sa naturang lugar, samantala, ang suspek na mabilis tumakas matapos isagawa ang krimen ay nakilalang si Puti Rogeria, binata ng nabanggit ding barangay.
Base sa inisyal na imbestigasyon ng pulisya, naganap ang krimen dakong alas-12:30 ng madaling-araw makaraang hindi magustuhan ng suspek ang sintunadong kinakanta ng biktima na "My Way".
Napag-alaman pa sa ulat ng pulisya na nag-request ang biktima na tugtugin ang awiting "My Way" upang sabayan.
Dahil sa paborito ng suspek ang kanta ay nairita sa sintunadong boses ng biktima na lango na rin sa alak kaya kaagad na nilapitan at sunod-sunod na inundayan ng saksak ng patalim sa iba’t ibang bahagi ng katawan. (Ulat ni Ed Casulla)